The Descendants (2011) - English

George Clooney, இவர தெரியாத ஹாலிவுட் ரசிகர்களே இருக்க முடியாது. ஆர்பாட்டம் இல்லாம நடிக்கறதுல மன்னன். இந்த படம் மட்டும் என்ன விதிவிலக்கா??சும்மா பிச்சு உதறிருக்கார் மனுஷன்.


அப்படி என்னதான்யா கதை???


Matt King (க்ளூனி), ஹவாய் மாகானத்துல இருக்குற  Honolulu  அப்படின்ற ஒரு கடற்கரை நகரத்துல வாழற ஒரு வக்கீல். இவருடைய குடும்பம் ஒரு பாரம்பரியமான மன்னர் குடும்பம். அந்த வகைல இவர் குடும்பத்துக்கு 25000 ஏக்கர் நிலம் Kaua'i என்ற ஊருல கடலுக்கு பக்கத்துல இருக்கு. அந்த நிலத்தோட trustee இவருதான். ஆனா இவருடைய Cousins கொஞ்சம் பேரு இருக்காங்க அவங்க அனுமதி இல்லாம இவரால தனியா எந்த முடிவும் எடுக்க முடியாது. இவருடைய மனைவி Elizabeth அப்புறம் Alexandra , Scottie ன்னு ரெண்டு பொண்ணுங்க. இவருக்கும் இவரோட மனைவிக்கும் தகராறு. அதனாலேயே இவரு குடும்பத்தோட ஒரு ஒட்டுதல் இல்லாமையே இருக்காரு. இந்த சமயத்துல Elizabeth க்கு ஒரு விபத்துல தலைல அடிபட்டு நினைவிழந்து கோமால இருக்காங்க. அப்போத்தான் இவரோட பெரிய பொண்ணு மூலமா Elizabeth க்கும் அதே ஊருல இருக்கும் ரியல் எஸ்டேட் ஏஜென்ட் Brian Speer க்கும் தொடர்பு இருந்தது தெரிய வருது. அதுக்கு அப்பறம் இவரு என்ன செஞ்சாரு, அவங்க மனைவி உயிர் பிழைச்சு வந்தாங்களா அப்படீங்கறத நீங்க டவுன்லோட் பண்ணியோ தியேட்டர்ல போய் பார்த்தோ தெரிஞ்சுகோங்க.


க்ளூனி, மணவாழ்க்கையில் தோல்வி அடைஞ்ச மனைவியால் ஏமாற்றப்பட்ட கணவன், பொறுப்பான அப்பா என ரெண்டு விதமான கேரக்டர். தன்னோட கோவத்த மகள்கள் கிட்ட காட்டாம அவங்க செய்வதை எல்லாம் பொறுத்துக்கொண்டு அதேசமயம் அவர்களுடைய தவறை அவர்களுக்கு புரியவைத்து வழிநடத்தும் பொறுப்பான அப்பான்னு கலக்கிருக்காரு. இந்த படத்துல வர எல்லாருமே அவ்ளோ அழகா நடிப்புன்னே சொல்லமுடியாதபடி நடிச்சுருக்காங்க. குறிப்பா பெரிய பொண்ணா வர்ற Shailene Woodley  அப்புறம் 10 வயசுல வயதொறந்தாலே பன்னீரும் தேனுமா பேசுற Spoilt Child Amara Miller க்லூனிக்கு சமமா செமையா நடிசிருக்குகாங்க  இந்த ரெண்டு பொண்ணுங்களும்..

Shailene Woodley

Amara Miller

 இந்த படம் இதே பேருல வந்த ஒரு நாவல மையமா வெச்சு எடுக்கப்பட்டது. எழுதி இயக்கினவரு Alexander Payne .  இவரு ஏற்கனவே Sideways படத்துக்கு ஆஸ்கார் வாங்கினவரு. இந்த படத்துக்கு  "Best Adapted Screenplay " விருது இவருக்கும் இவரோட திரைக்கதை எழுதின Nat Faxon & Jim Rash க்கும் இந்த வருஷம் கிடைச்சுருக்கு. Best Actor க்லூனிக்கு கிடைகும்ம்னு கொஞ்சம் பேரு சொன்னாங்க ஆனா பாவம் அவருக்கு மிஸ் ஆயிடுச்சு 

கொஞ்சம் மெதுவா போற படம்தான், ட்விஸ்ட் கிஸட்டு எல்லாம் பெருசா ஒன்னும் கிடையாது ஆனா கண்டிப்பா போரடிக்காம போகும். அதனால கண்டிப்பா பாருங்க. 

-சிடிசன் 

பில்லா - விமர்சனம்

சூப்பர் ஸ்டார் நடித்து 1979 ல் வெளிவந்து பெருவெற்றி பெற்ற "பில்லா" எனும் படம் இப்பொழுது அல்டிமேட் ஸ்டார் நடிப்பில் புதுப்பொலிவுடன் "பில்லா 2007" ஆக வெளிவந்துள்ளது. பூஜை போட்ட நாள் முதலே மிகுந்த எதிர்ப்பார்ப்பை கிளப்பிய படம் இது. போன மாதம் இப்படத்தின் பாடல்கள் வெளிவந்து அந்த எதிர்ப்பார்ப்பை அதிகமாக்கின. தல வேறு கலைஞர் தொலைக்காட்சிக்கு பேட்டி கொடுத்து தன் பங்கிற்கு திரி கொளுத்தி விட்டார். இவை எல்லாம் சேர்ந்து என்னை இப்படத்தை முதல் நாளே பார்க்க வைத்தது.

இனி விமர்சனம்!!!

படத்தின் கதை நமக்கெல்லாம் ஏற்கனவே நன்கு தெரிந்ததுதான். அதனால் நான் கதைக்குள் போகவில்லை. சூப்பர் ஸ்டார் ஏற்று நடித்த கதப்பாதிரத்தை ஏற்க மிகுந்த தைரியம் வேண்டும்.அது அஜித்திடம் நிறையவே இருக்கிறது. படம் முழுக்கவே அஜித்தின் அட்டகாசம் தான். அவர் கோட் சூட் போட்டு நடந்து வருவதாகட்டும் தலையை சாய்த்து பார்ப்பதாகட்டும் ஆகா ஆகா தல பிரிச்சு மேஞ்சிருக்கார்!!

பில்லாவை விட வேலு க்கு வேலை கம்மி தான், ஆனாலும் இந்த வேடத்தில் தல காமெடியும் நன்றாக செய்துள்ளார்..

அடுத்தது நம்ம நயன்தாரா!!!!! அவர் வரும் ஒவ்வொரு காட்சிக்கும் விசில் பறக்கிறது. அழகை காட்டி சும்மா அதிரவைக்கிறார். அவரை பார்த்து என் நண்பன் சொன்னது " சிம்பு அநியாயத்துக்கு வேஸ்ட் பண்ணிடாண்டா" :)))நயன்தாரா முன் நமீதா "ஆயிரம் வாட்ஸ்" பல்பு முன் "0 வாட்ஸ்" பல்பு மாதிரி அமுங்கி போய்டாங்க.

பிரபு தன் வேலையை மிக சரியாக செய்துள்ளார், அதைப்போலவே ரகுமானும்.படம் முழுக்கவே இயக்குனரின் உழைப்பு தெரிகிறது. படத்தின் போக்கிற்கு மிகவும் உதவுவது "நீரவ் ஷா" வின் ஒளிப்பதிவும் "யுவனின்" பின்னணி இசையும்.அதிலும் அந்த கார் சேசிங் காட்சியில் இருவரும் கைதட்டல் பெறுகிறார்கள்.அடுத்ததாக உடை அலங்காரம் "அணு வர்தன்" அனைவருக்கும் மிக பொருத்தமாக உடைகளை வடிவமைத்துள்ளார்.

"பில்லா 2007" அஜித் விஷ்ணு வாழ்வில் ஒரு மைல்கல்!!!!!!! இதற்கு மேல் அழகாக வேகமாக இதுவரை எந்த படமும் வரவில்லை, வருங்காலத்தில் வந்தாலும் அதில் இப்படத்தின் பாதிப்பு கண்டிப்பாக இருக்கும்.

பஞ்ச் : தில்லா வந்து நல்லா கல்லா கட்டும் "பில்லா"